阿太最強

今日放工後去理髮，在髮型屋洗頭後在座位中呆等，正在打盹中突然聽見以下對話…

髮型師（男）：「太太，其實個頭你想點搞？」
阿太：「哎…咁………」 （因為阿太把聲好矇，聽唔清楚…）
髮型師：「其實如果咁修剪依邊，其實無問題，不過唔係幾好喎。」
阿太：「……」（繼續依依哦哦中…）
髮型師：「太太，你把直髮嚟，剪唔到佢變彎個喎」
阿太：「……」（都係依依哦哦…）
髮型師：「太太，在我嚟講，你個頭已經剪完嘞，你啲要求我做唔到，不如我搵其他髮型師幫你吖。」
阿太：「唔駛，你幫我咁……」（仍然聽唔清楚…）

髮型師同阿太繼續拉据了數分鐘，忽然有突破性發展…


髮型師：「太太，不如咁啦，我唔收你錢，好唔好？」
阿太：「唔收錢呀……咁…」（都係聽唔清楚）
阿太：「你寧願唔收錢都唔同我整呀…你唔收錢都好，不過你幫我整埋…」（佢仲要整咩呢，就係聽唔到）
髮型師：「哦，無所謂啦。唔好意思呀太太。」

之後個阿太走了，髮型師小聲與接待員埋怨了兩句，真的是人之常情。我對這個髮型師的耐性及禮貌印象很好，其實這間髮型屋的服務一直都很好。

那位阿太並不是罵街式的阿太，不過就是不斷地說，循環不息地說，令到那位髮型師煩到沒法子，只好不收費用送她出門口。

阿太，的確最強！