點滴‧生活

星期日同老婆去了City Super買料煮餸，主菜是 白酒洋肚菌燴春雞，個食譜係飲食男女入面Ricky Cheung的。材料就一定有羊肚菌、白酒及法國春雞，啲料就真係貴，羊肚菌28g要$160可用三次，而隻春雞就離譜囉，成$96一小隻！後來去屋企附近的凍肉店一隻頂級法國春雞只要$36！ 個食譜如下 ， 原 本 是 四 人 分 量 的 ， 我 兩 個 人 食 就 改 左 啲 分 量 ： Ingredients （ 二 人分量） 法國春雞（一開四） 1 隻 (City Super貴爆，去凍肉度約$40一隻) 乾羊肚菌 9 克 (City Super $160 28g) 水 100 克 牛油 2 0 克 乾 蔥 （一開二） 60 克 (6至七粒) (超市$5一袋可用兩次) 白酒 200 克 (求其買支約180ml白酒，約$14) 雞湯 130ml (我用史雲生) 忌廉 2 00 克 (Market Place買低脂忌廉約$25 200ml) Steps 1 春雞件用鹽及胡椒碎醃 1 小時。 2 乾羊肚菌用水沖洗後，用水泡浸 1 小時。 3 乾 蔥 用牛油慢火炒至軟身，加入白酒，用中火將白酒煮至剩下三分一分量。 4 加入雞湯、忌廉、羊肚菌及浸過羊肚菌的水。 5 以大火煮滾十分鐘後下春雞件，收慢火將雞件燴 15-20 分鐘，用鹽及胡椒碎調味。 Tips 1 乾羊肚菌可於 city'super 或崇光超市購買。 2 要雞胸煮得滑，千祈不要大火滾。 3因為大火滾完啲汁未必浸哂啲雞件，中途可翻一翻啲雞。 我自己就驚唔夠熟，所以燴耐左啲 ， 差 不 多22 分 鐘 ，啲雞胸肉就差了一點，但煮好啲雞因為慢火燴的關系真係 仍 然 好嫩滑，啲肉唔黏骨，有白酒及香菌味。啲汁好濃，用切片法包 伴 食一流。而乾蔥亦索滿香菌汁，美味得很。 這道菜煮法簡單但美味非常，值得一試！

最近在飲食男女看見一個Cook譜由Ricky Cheung編寫，他介紹的歐陸菜式都比較易處理，不太需要很多器材技術，而且步驟寫得好清楚。忽然就想試學煮西餐，就跟Ricky的Recipe簡簡單單學起。 我是一個對煮食毫無慨念的人，所以在眾多食譜中揀選了最簡單的一個，就是香草煙肉意粉。 Ingredients （  2 人分量） 蒜頭（開邊）︰  4 粒 意大利煙肉（切粒，  Pancetta ）︰  100 克 紅辣椒（切粒）︰  2 隻 橄欖油︰  40 克 意粉︰  160 克 雞湯︰  120 克 羅勒葉（  Basil ）︰  8 克 Steps 1. 平底鍋內下橄欖油、蒜頭、意大利煙肉及紅辣椒，開小火炒  4 分鐘至所有材料呈金黃色。 2. 意粉放入大滾水內，參考包裝上的建議時間，提早  3 分鐘將意粉撈起，直接放進平底鍋內。 3. 加入雞湯與羅勒葉，開大火煮至收乾水分（約需時  2 分半至  3 分鐘），下少許鹽及黑椒碎調味。 Tips 1. 如果買不到意大利煙肉，可用普通的切片煙肉代替。 2. 不嗜辣的可調校辣椒的分量。 是否很簡單呢！Pancetta在一般超市相信買不到，我在Three Sixty就買了一pack特價$26的切粒pancetta，可用兩次。但我就嫌太細粒，如果可以買到不切粒，自己切大一點的比較好。 而新鮮Basil好難找，Three Sixty及City Super都沽清而Market Place沒有得賣，最後買了乾的Basil香料。 賣相就不太好，但味道就不錯，我自己就覺得比起外面一般餐廳的更好。